வங்கதேசத்தின் பந்து வீச்சில் மொத்தமாக சுருண்ட நெதர்லாந்து

டி20 உலகக்கோப்பையின் GROUP D போட்டியில் நெதர்லாந்து அணியை 25 ரன்கள் வித்தியாசத்தில் வங்கதேச அணி வீழ்த்தியது. கிங்ஸ்டவுன் நகரில் முதலில் பேட்டிங் செய்த வங்கதேச அணி 20 ஓவர்களில் 5 விக்கெட் இழப்பிற்கு 159 ரன்கள் குவித்தது. அதிகபட்சமாக ஷாகிப் அல் ஹசன் ஆட்டமிழக்காமல் 64 ரன்கள் குவித்தார். பின்னர் விளையாடிய நெதர்லாந்து அணி 15 ஓவரில் 111 ரன்கள் குவித்து வலுவான நிலையில் இருந்தது. அதன்பிறகு வங்கதேச வீரர்களின் அபார பந்துவீச்சால் அடுத்தடுத்து விக்கெட்டுகளை பறிகொடுத்த நெதர்லாந்து அணி, 134 ரன்கள் மட்டுமே சேர்த்து தோல்வியை தழுவியது.