"ரோகித் விக்கெட்டை வீழ்த்தியது பிடித்து இருந்தது.." - பாக். வேகப்பந்துவீச்சாளர் ஷாகின் அஃப்ரிடி

ஆசியக் கோப்பை கிரிக்கெட் போட்டியில் கோலியின் விக்கெட்டைக் காட்டிலும் ரோகித் சர்மாவின் விக்கெட்டை வீழ்த்தியது தனக்கு பிடித்து இருந்ததாக பாகிஸ்தான் வேகப்பந்துவீச்சாளர் ஷாகின் அஃப்ரிடி கூறியுள்ளார். நேற்றையப் போட்டியில் ரோகித் மற்றும் கோலியை தனது அற்புதமான பவுலிங்கால் ஷாகின் அப்ரிடி கிளீன் போல்டாக்கினார். இது தொடர்பாக பேட்டியளித்த ஷாகின் அஃப்ரிடி, கோலி மற்றும் ரோகித்தின் விக்கெட்கள் முக்கியமானவை என்று கூறினார். ரோகித்தின் விக்கெட்டை வீழ்த்தியது தனக்கு தனிப்பட்ட முறையில் பிடித்து இருந்ததாகவும் கூறினார்