மழையால் மாறிப்போன ரிசர்வ் டே...இன்றாவது போட்டி நடைபெறுமா..? கிரிக்கெட் ரசிகர்கள் ஏக்கம்..

கொழும்பு பிரேமதாசா மைதானத்தில் தொடங்கிய இந்தப் போட்டியில் டாஸ் வென்ற பாகிஸ்தான் பீல்டிங்கை தேர்வு செய்தது. தொடர்ந்து பேட்டிங்கை தொடங்கிய இந்திய அணிக்கு கேப்டன் ரோகித் சர்மா - சுப்மன் கில் ஜோடி சிறப்பான தொடக்கம் தந்தது. இருவரும் அதிரடியாக ஆடி, அரைசதம் அடித்து ஆட்டம் இழந்தனர். 24 புள்ளி ஒரு ஓவரில் இந்தியா 2 விக்கெட் இழப்புக்கு 147 ரன்கள் எடுத்து இருந்தபோது மழை குறுக்கிட்டது. தொடர்ந்து கனமழை பெய்ததால் போட்டியை தொடர முடியாத சூழல் ஏற்பட்டது. இதனால் விதிகளின்படி ரிசர்வ் டேவான, இன்றைய தினத்திற்கு போட்டி மாற்றப்பட்டு உள்ளது. இதையடுத்து இன்று பிற்பகல் 3 மணிக்கு இந்திய அணி மீண்டும் பேட்டிங்கை தொடங்க உள்ளது. ஒருவேளை இன்றும் போட்டி தடைபட்டால், இரு அணிகளுக்கும் தலா 1 புள்ளி பகிர்ந்து அளிக்கப்படும் என்பது குறிப்பிடத்தக்கது.