பாரிஸ் ஒலிம்பிக்கின் மறக்க முடியாத நிகழ்வுகள்..6 பதக்கங்கள் வென்ற இந்தியா

பாரிஸ் ஒலிம்பிக் போட்டிகள் கோலாகலமாக நடந்து முடிந்துள்ளன. ஒலிம்பிக்கில் அரங்கேறிய மறக்க முடியாத நிகழ்வுகள்... முக்கியமான தருணங்கள்.... இந்தியா வென்ற பதக்கங்கள்... கண்கவர் நிறைவு விழா.... என பலவற்றை விவரிக்கிறது இந்த செய்தித் தொகுப்பு....

டோக்கியோ ஒலிம்பிக்கில் ஒரு தங்கம் உட்பட 7 பதக்கங்களை வென்ற இந்தியா, இம்முறை அதைவிட கூடுதல் பதக்கங்கள் வெல்வோம் என்ற பெரும் நம்பிக்கையுடன் பாரிஸ் சென்றது. ஆனால் ஆரம்பத்தில் இருந்தே இந்திய அணிக்கு சறுக்கல்தான்....

வில்வித்தை, குத்துச்சண்டையில் ஒரு பதக்கம்கூட கிடைக்கவில்லை.... பெரிதும் எதிர்பார்க்கப்பட்ட பேட்மிண்டனில் பெரும் ஏமாற்றம்.... பி.வி.சிந்து, சாத்விக்- சிராக் பிரகாசிக்கத் தவறினர்.

பதக்கம் வென்றுவிடுவார் என பெரிதும் எதிர்பார்க்கப்பட்ட லக்‌ஷ்யா சென், அரையிறுதி மற்றும் வெண்கல பதக்கத்துக்கானப் போட்டியில் தடுமாறினார்.