நியூசிலாந்தை பந்தாடிய பாகிஸ்தான் அபார வெற்றி... சூடு பிடித்த அரையிறுதி ரேஸ் | NZ vs PAK

பெங்களூருவில் நடைபெற்ற இந்தப் போட்டியில் முதலில் பேட்டிங் செய்த நியூசிலாந்து, அதிரடியாக விளையாடி ரன் சேர்த்தது. இளம் வீரர் ரச்சின் ரவீந்திரா சதமடித்து அசத்தினார். கேப்டன் கேன் வில்லியம்சன் 95 ரன்கள் எடுத்தார். மிடில் ஆர்டர் பேட்டர்களின் பங்களிப்பால் 50 ஓவர்களில் 6 விக்கெட் இழப்புக்கு நியூசிலாந்து 401 ரன்கள் குவித்தது. பின்னர் இமாலய இலக்கை நோக்கி ஆடிய பாகிஸ்தானில் தொடக்க வீரர் ஃபஹர் சமான், சிக்சர் மழை பொழிந்து சதம் அடித்தார். கேப்டன் பாபர் அசாம் அரைசதம் அடித்தார். 25 புள்ளி 1 ஓவரில் பாகிஸ்தான் 1 விக்கெட் இழப்புக்கு 200 ரன்கள் எடுத்திருந்தபோது மழை குறுக்கிட்டது. மழை நீடித்ததால் ஆட்டத்தை தொடரமுடியாமல் போனதால், டக்வொத் லூயிஸ் விதிப்படி பாகிஸ்தான் வெற்றி பெற்றதாக அறிவிக்கட்டது. இந்த வெற்றிமூலம் அரையிறுதி வாய்ப்பை பாகிஸ்தான் தக்கவைத்துள்ளது