மாநில அளவிலான சிலம்பப் போட்டி - தீயாய் கம்பு சுற்றி அசத்திய மாணவர்கள்

மதுரையில் மாநில அளவிலான சிலம்பப் போட்டி விறுவிறுப்பாக நடைபெற்றது... முன்னாள் முதல்வரும் நடிகருமான எம்.ஜி.ஆருடன் பணியாற்றி அவரின் பாதுகாவலர்களாக இருந்த மற்றும் ரஜினி, கமல், அஜித், விஜய் போன்ற முன்னணி நடிகர்களுக்குத் திரைப்படக் காட்சிகளில் சண்டைப் பயிற்சியாளராக பணி புரிந்தவர்கள் இந்த மாபெரும் சிலம்பப் போட்டியை நடத்தினர். மதுரை மாடக்குளம் கலிங்க வஸ்தாத் ஏழு தலைமுறை பாரம்பரிய சிலம்பம் அறக்கட்டளை மற்றும் விராட்டி பத்து ஐந்து தலைமுறை பாரம்பரிய சிலம்ப பள்ளி சார்பான இப்போட்டிகள் நடத்தப்பட்டன. 5 வயது முதல் 15 வயதினருக்கான இப்போட்டி மதுரை திருமலை நாயக்கர் கல்லூரியில் நடைபெற்ற நிலையில், மாநிலம் முழுவதிலும் இருந்து 800க்கும் மேற்பட்ட மாணவர்கள் பங்கேற்று தங்கள் திறமையை வெளிப்படுத்தினர்...