கடைசி டி20 போட்டி - பதிலடி கொடுக்குமா இந்திய அணி? | South Africa

தென் ஆப்ரிக்க மகளிர் கிரிக்கெட் அணிக்கு எதிரான மூன்றாவது மற்றும் கடைசி டி20 போட்டியில், இந்திய அணி இன்று களம் காண்கிறது. சென்னை சேப்பாக்கத்தில் இவ்விரு அணிகளுக்கும் இடையே மூன்று டி20 போட்டிகள் கொண்ட தொடர் நடைபெற்று வருகிறது. முதல் போட்டியில் தென் ஆப்ரிக்க அணி வென்ற நிலையில், இரண்டாவது போட்டி மழை குறுக்கிட்டதால் ரத்தானது. இதனால், தென் ஆப்ரிக்க அணி ஒன்றுக்கு பூஜ்யம் என்ற கணக்கில் முன்னிலை வகிக்கிறது. இந்நிலையில், மூன்றாவது டி20 போட்டி இன்று இரவு 7 மணிக்கு தொடங்குகிறது. இதில் வெற்றி பெற்று தொடரை சமன் செய்ய இந்திய அணியும், தொடரைக் கைப்பற்றி டெஸ்ட் மற்றும் ஒருநாள் தொடர்களில் சந்தித்த வீழ்ச்சிக்கு பதிலடி கொடுக்கும் நோக்கில் தென் ஆப்ரிக்க அணியும் விளையாடும் என்ற எதிர்பார்ப்பு வலுத்துள்ளது.