'சூப்பர்–12' சுற்றில் இலங்கை.. நெதர்லாந்தை வீழ்த்தி அபாரம்

'சூப்பர்–12' சுற்றில் இலங்கை.. நெதர்லாந்தை வீழ்த்தி அபாரம்

டி20 உலகக்கோப்பை கிரிக்கெட் தொடரின் சூப்பர்-12 (டுவல்) சுற்றுக்கு இலங்கை முன்னேறி உள்ளது.

ஆஸ்திரேலியாவின் கீலாங் நகரில் இன்று காலை நடைபெற்ற முதல் சுற்றுப் போட்டி ஒன்றில் இலங்கையும் நெதர்லாந்தும் மோதின.

இதில் முதலில் பேட்டிங் செய்த இலங்கை 20 ஓவர்களில் 6 விக்கெட் இழப்புக்கு 162 ரன்கள் எடுத்தது.

அதிரடியாக ஆடிய இலங்கை தொடக்க வீரர் குஷல் மென்டிஸ், 79 ரன்கள் எடுத்தார்.

அடுத்து பேட்டிங் செய்த நெதர்லாந்தில் தொடக்க வீரர் மேக்ஸ் மட்டும் நிலைத்து நின்று ஆடி அரைசதம் அடித்தார்.

மறுமுனையில் சீரான இடைவெளியில் விக்கெட்டுகள் விழுந்ததால் 20 ஓவர்கள் முடிவில் நெதர்லாந்து 9 விக்கெட் இழப்புக்கு 146 ரன்கள் மட்டுமே எடுத்தது.

இதன்மூலம் 16 ரன்கள் வித்தியாசத்தில் இலங்கை வெற்றி பெற்றது.

இந்த வெற்றியால் மேலும் 2 புள்ளிகளைப் பெற்ற இலங்கை, 4 புள்ளிகளுடன் சூப்பர்-12 சுற்றுக்கு முன்னேறியது.

அதே 4 புள்ளிகளுடன் நெதர்லாந்தும் உள்ள நிலையில், நமீபியா-ஐக்கிய அரபு அமீரகத்தின் போட்டி முடிவைப் பொறுத்து நெதர்லாந்தின் சூப்பர்-12 வாய்ப்பு அமையும்.