"இந்திய அணிக்கு ஆறுதல்" - பிரதமர், முதல்வர் ட்வீட் | World Cup 2023 | India | PM Modi | CM Stalin

உலகக்கோப்பையை வென்ற ஆஸ்திரேலிய கிரிக்கெட் அணிக்கு பிரதமர் நரேந்திர மோடிவாழ்த்து தெரிவித்துள்ளார். இது தொடர்பாக எக்ஸ் தளத்தில் பதிவிட்டுள்ள பிரதமர், அற்புதமான வகையில் தொடரை ஆஸ்திரேலியா நிறைவு செய்துள்ளதாகக் கூறியுள்ளார். இந்திய அணிக்கு ஆறுதல் தெரிவித்துள்ள பிரதமர் மோடி, தொடர் முழுவதும் சிறப்பாக விளையாடி தேசத்திற்கு பெருமை சேர்த்து இருப்பதாகவும், எப்போதும் நாங்கள் துணை நிற்போம் என்றும் தெரிவித்துள்ளார்.

உலகக்கோப்பையை வென்ற ஆஸ்திரேலிய கிரிக்கெட் அணிக்கு முதலமைச்சர் மு.க.ஸ்டாலின் வாழ்த்து தெரிவித்துள்ளார். இது தொடர்பாக எக்ஸ் தளத்தில் பதிவிட்டுள்ள முதலமைச்சர் மு.க.ஸ்டாலின், மகத்தான வெற்றியை வசப்படுத்திய ஆஸ்திரேலிய அணிக்கு வாழ்த்துகள் எனக் கூறியுள்ளார். இந்திய அணியின் மன உறுதியும் ஆர்வமும் பாராட்டுக்கு உரியது என்றும் முதலமைச்சர் மு.க.ஸ்டாலின் தெரிவித்துள்ளார்.