யூரோ கோப்பை கால்பந்து திருவிழா/இந்திய நேரப்படி இன்று நள்ளிரவு தொடக்கம்

ரசிகர்களின் மிகுந்த எதிர்பார்ப்புக்கு மத்தியில் யூரோ கோப்பை கால்பந்து தொடர் இந்திய நேரப்படி இன்று நள்ளிரவு ஆரம்பம் ஆகவுள்ளது.

நான்கு ஆண்டுகளுக்கு ஒரு முறை ஐரோப்பிய கால்பந்து திருவிழாவான யூரோ கோப்பை கால்பந்து தொடர் நடத்தப்பட்டு வருகிறது. அந்த வகையில் 17வது யூரோ கோப்பை கால்பந்து தொடர் ஜெர்மனியில் இன்று ஆரம்பம் ஆகவுள்ளது. இந்த தொடரில் பங்கேற்கும் நடப்பு சாம்பியன் இத்தாலி, ஸ்பெயின், ஜெர்மனி, இங்கிலாந்து, போர்ச்சுகல், போலந்து, சுவிட்சர்லாந்து உள்ளிட்ட 24 அணிகள் 6 பிரிவுகளாக பிரிக்கப்பட்டுள்ளன. குரூப் ஆஃப் டெத் என வர்ணிக்கப்படும் குரூப் பி பிரிவில் ஸ்பெயின், குரோஷியா, இத்தாலி, அல்பேனியா ஆகிய வலிமையான அணிகள் உள்ளன. இந்திய நேரப்படி இன்று நள்ளிரவு ஜெர்மனியின் ம்யூனிக் நகரில் நடைபெறும் முதல் போட்டியில் ஜெர்மனி மற்றும் ஸ்காட்லாந்து அணிகள் பலப்பரீட்சை நடத்தவுள்ளன.