ஓய்வா? இல்லையா? - CSK ரசிகர்களிடம் முடிவை ஓபனாக சொன்ன தோனி

மேலும் சில ஆண்டுகள் கிரிக்கெட்டை மகிழ்ச்சியுடன் அனுபவிக்க விரும்புவதாக சிஎஸ்கே வீரர் தோனி தெரிவித்துள்ளார்.. கோவாவில் நடைபெற்ற தனியார் நிகழ்ச்சியொன்றில் கலந்து கொண்ட தோனி, சென்னை சூப்பர் கிங்ஸ் அணியில் கடந்தாண்டு பின்வரிசையில் களமிறங்கியது ஏன் என்பது குறித்து விளக்கமளித்துள்ளார். ஜடேஜா, ஷிவம் துபே போன்ற வீரர்கள் டி20 உலகக்கோப்பை இந்திய அணிக்கு தேர்வாக வாய்ப்பு இருந்ததால், அவர்களுக்கு சென்னை அணியில் முன்வரிசையில் களமிறங்க வாய்ப்பளிக்கப்பட்டதாக தெரிவித்தார். மேலும் கிரிக்கெட் விளையாட்டை அடுத்த சில ஆண்டுகளுக்கு மகிழ்ச்சியுடன் அனுபவிக்க விரும்புவதாகவும், தோனி தெரிவித்துள்ளார். இதன்மூலம் தோனி அடுத்த சில ஆண்டுகளுக்கு ஐபிஎல்-ல் விளையாட முடிவு எடுத்திருப்பதாகவே கருதப்படும் நிலையில், இந்த தகவல் ரசிகர்களுக்கு மகிழ்ச்சியை ஏற்படுத்தியுள்ளது.