"i am waiting" - வெறிகொண்டு தயாராகும் கம்மின்ஸ்

இந்தியாவிற்கு எதிரான பார்டர்-கவாஸ்கர் கோப்பை டெஸ்ட் தொடருக்கு தயாராவதற்காக ஆஸ்திரேலிய டெஸ்ட் கேப்டன் பேட் கம்மின்ஸ் 8 வாரங்கள் ஓய்வு எடுக்கவுள்ளார். நவம்பர் மாதம் ஆஸ்திரேலியா செல்லும் இந்திய அணி, 5 போட்டிகள் கொண்ட பார்டர்-கவாஸ்கர் கோப்பை டெஸ்ட் தொடரில் விளையாட உள்ளது. இந்நிலையில், இந்த தொடர் குறித்து பேசியுள்ள கம்மின்ஸ், தானும், தனது அணியில் உள்ள பெரும்பாலான வீரர்களும் பார்டர்-கவாஸ்கர் கோப்பையைத்தான் இன்னும் வெல்லவில்லை என்று கூறினார். கடந்த சில வருடங்களாக சொந்த மண்ணில் ஆஸ்திரேலிய அணி சிறப்பாக விளையாடி வருவதாகவும் அவர் தெரிவித்தார்.