ஆஸி. - வெஸ்ட் இண்டீஸ் 2வது டெஸ்ட் போட்டி 8 ரன்கள் வித்தியாசத்தில் வெஸ்ட் இண்டீஸ் த்ரில் வெற்றி

2வது டெஸ்ட் போட்டியில் 8 ரன்கள் வித்தியாசத்தில் ஆஸ்திரேலியாவை வீழ்த்தி வெஸ்ட் இண்டீஸ் வரலாற்று வெற்றியைப் பதிவு செய்துள்ளது.

பிரிஸ்பேனில் உள்ள புகழ்பெற்ற காபா மைதானத்தில் நடைபெற்ற இந்தப் போட்டியின் முதல் இன்னிங்சில் வெஸ்ட் இண்டீஸ் 311 ரன்கள் எடுத்தது. ஆஸ்திரேலியா 9 விக்கெட் இழப்புக்கு 289 ரன்கள் எடுத்து டிக்ளேர் செய்தது. பின்னர் 2வது இன்னிங்சில் 193 ரன்களுக்கு வெஸ்ட் இண்டீஸ் ஆட்டமிழந்தது. இதனையடுத்து 216 ரன்கள் இலக்கை நோக்கி ஆடிய ஆஸ்திரேலிய அணியில் தொடக்க வீரர் ஸ்மித் அரைசதம் அடித்தார். வெஸ்ட் இண்டீஸ் வேகப்பந்துவீச்சாளர் ஷமார் ஜோசப் மிரட்டலாக பந்துவீச, ஆஸ்திரேலியா விக்கெட்டுகளை தொடர்ச்சியாக இழந்தது. இதனால் ஆட்டம் பரபரப்பான நிலையில், 207 ரன்களுக்கு ஆஸ்திரேலியா ஆல்-அவுட் ஆனது. இதன்மூலம் 8 ரன்கள் வித்தியாசத்தில் த்ரில் வெற்றி பெற்ற வெஸ்ட் இண்டீஸ், 2 போட்டிகள் கொண்ட டெஸ்ட் தொடரை ஒன்றுக்கு ஒன்று என்ற கணக்கில் சமன் செய்தது.