10வது முறை உலக சாதனையை முறியடித்த டூப்ளன்டிஸ்

போலந்தில் நடைபெற்ற டயமண்ட் லீக் தடகள தொடரின் கோலூன்றி தாண்டும் போட்டியில் ஸ்வீடன் வீரர் டூப்ளன்டிஸ் புதிய உலக சாதனை படைத்து அதகளப்படுத்தியுள்ளார். சில வாரங்களுக்கு முன்பு பாரிஸ் ஒலிம்பிக்கில் 6 புள்ளி 25 மீட்டர் தூரத்துக்கு கோலூன்றி தாண்டி, டூப்ளன்டிஸ் உலக சாதனையுடன் தங்கம் வென்றார். இந்நிலையில், டயமண்ட் லீக் போட்டியில் 6 புள்ளி 26 மீட்டர் தூரத்திற்கு தாண்டி, தனது முந்தைய உலக சாதனையை தானே முறியடித்துள்ளார். மேலும், தனது கேரியரில் 10வது முறையாக டூப்ளன்டிஸ் உலக சாதனையை முறியடித்துள்ளார்.