"சச்சின்...சச்சின்..." - ஒருமித்த குரலில் ரசிகர்கள் கர்ஜனை! - திக்குமுக்காடிய அரங்கம்

நேற்று நடைபெற்ற ஐபிஎல் கிரிக்கெட் போட்டியின் நடுவில், முன்னாள் நட்சத்திர கிரிக்கெட் வீரர் சச்சின் டெண்டுல்கரின் படம் திரையில் தோன்றிய போது கூடியிருந்த ரசிகர்கள் அவரது பெயரை கத்திக் கூச்சலிட்டதில் அரங்கமே அதிர்ந்தது. மும்பை-சென்னை அணிகளுக்கு இடையேயான போட்டியின் போது பேட்டி அளிக்க சச்சின் எழுந்து வந்தார். அப்போது அவரது படம் அரங்கின் பிரம்மாண்ட திரையில் ஒளிபரப்பப் பட்ட போது, கூடியிருந்த ரசிகர்கள் அனைவரும் ஒருமித்த குரலில், "சச்சின்...சச்சின்" என்று கூச்சலிட அரங்கமே ஸ்தம்பித்தது. ஓய்வு பெற்று 10 ஆண்டுகள் ஆகியும், ரசிகர்களின் இந்த மாறாத அன்பால் சச்சின் திக்குமுக்காடிப் போனார்.