ஒலிம்பிக்கில் வெண்கலம் வென்ற ஹாக்கி அணி - தொலைபேசியில் வாழ்த்து தெரிவித்த மோடி

ஒலிம்பிக் ஹாக்கியில் வெண்கலப் பதக்கம் வென்ற இந்திய ஹாக்கி அணியினருடன், பிரதமர் நரேந்திர மோடி தொலைபேசி மூலம் உரையாடி உள்ளார். கேப்டன் மன்பிரீத் சிங், தலைமை பயிற்சியாளர் கிரஹாம் ரீட், உதவி பயிற்சியாளர் பியூஷ் துபே ஆகியோருடன் பிரதமர் மோடி பேசி உள்ளார். அப்போது, வெண்கலப் பதக்கம் வென்ற இந்திய அணிக்கு மோடி வாழ்த்து தெரிவித்து உள்ளார். கேப்டன் மன்பிரீத் சிங்கிடம் பேசிய மோடி, அரையிறுதியில் பெல்ஜியத்திடம் இந்தியா தோற்றபோது மன்பிரீத்தின் குரல் சற்று சுணக்கமாக இருந்ததாகவும், இன்று மன்பிரீத்தின் குரல் சத்தமாகவும் தெளிவாகவும் இருப்பதாகவும் தெரிவித்தார்.