டோக்கியோ ஒலிம்பிக் பேட்மிண்டன் ஆடவர் இரட்டையர் போட்டியில் இந்திய ஜோடி வெற்றி

டோக்கியோ ஒலிம்பிக் ஆடவர் இரட்டையர் பேட்மிண்டன் போட்டியின் தகுதிச் சுற்றில் இந்திய ஜோடி வெற்றி பெற்ற நிலையில், குறைவான புள்ளிகளைப் பெற்றதால் காலிறுதிக்கு தகுதி பெற முடியாமல் போனது. குரூப் ஏ பிரிவில் இன்று நடந்த தகுதி சுற்று ஆட்டத்தில், இந்தியாவின் சாய்ராஜ் - சிராக் ஜோடி, பிரிட்டனின் லேன் - வென்டி ஜோடியுடன் மோதியது. இதில் இந்திய ஜோடி நேர் செட்களில் வெற்றி பெற்றது. இருப்பினும், குரூப் ஏ பிரிவில் குறைவான புள்ளிகளையே பெற்றதால், இந்திய ஜோடி காலிறுதிக்கு தகுதி பெறாமல் வெளியேறியது. குரூப் ஏ பிரிவில் இந்தோனேசியா மற்றும் சீன தைபே அணிகள் காலிறுதிக்கு தகுதி பெற்றன.