கோபா அமெரிக்கா கால்பந்து தொடர் - கோப்பையை வென்றது அர்ஜென்டினா

கோபா அமெரிக்கா கால்பந்து தொடரின் இறுதிப் போட்டியில், பிரேசிலை அதன் சொந்த மண்ணில் வீழ்த்தி, அர்ஜென்டினா கோப்பையை வென்று உள்ளது. தென் அமெரிக்க கால்பந்து அணிகள் பங்கேற்ற கோபா அமெரிக்கா கால்பந்து தொடரின் இறுதிப் போட்டியில் நெய்மர் தலைமையிலான பிரேசில் அணியும், மெஸ்ஸி தலைமையிலான அர்ஜென்டினா அணியும் மோதின. மிகுந்த எதிர்பார்ப்புகளுக்கு மத்தியில் பிரேசிலில் தொடங்கிய இந்த போட்டியின் முதல் பாதியில் இரு அணிகளும் கோல் அடிக்க தீவிரமாக முயன்றன. அப்போது, ஆட்டத்தின் 22-ஆவது நிமிடத்தில் அர்ஜென்டினா வீரர், ஏஞ்சல் டி மரியா, கோல் அடித்து அசத்தினார்.