ஐ.பி.எல் கிரிக்கெட் தொடர் : மார்ச் 1-இல் சென்னை வருகிறார், தோனி

ஐ.பி.எல் தொடருக்கு தயாராகும் விதமாக, சென்னை அணி கேப்டன் தோனி, மார்ச் 1ஆம் தேதி அணியில் இணைவார் என தகவல் வெளியாகி உள்ளது. அணியில் இடம்பெற்றுள்ள வீரர்கள், ஏற்கனவே சென்னையில் பயிற்சியை தொடங்கிய நிலையில், சி.எஸ்.கே. அணி வட்டாரம், இந்த தகவலை வெளியிட்டுள்ளது. மார்ச் 1ம் தேதி சென்னை வரும் தோனி, 2 முதல் 3 வாரம் பயிற்சி மேற்கொள்வார் என்றும், பின்னர் சொந்த ஊர் செல்லும் அவர், போட்டி தொடங்கும் முன்பாக அணியில் இணைவார் என்றும் தகவல்கள் தெரிவிக்கின்றன. உலக கோப்பை தொடருக்கு பின், தோனி இந்திய அணியில் இடம்பெறாத நிலையில், ஐபிஎல் தொடரில் அவரது ஆட்டத்தை காண ரசிகர்கள் ஆர்வமுடன் காத்திருக்கின்றனர்.