பா.ஜ.க.வில் இணைந்தார், பேட்மிட்டன் வீராங்கனை சாய்னா நேவால்

பேட்மிண்டன் வீராங்கணை சாய்னா நேவால்  இன்று பா.ஜ.க.-வில் இணைந்தார். டெல்லியில் உள்ள பா.ஜ.க. தலைமை அலுவலகத்தில், அக்கட்சியின் தேசிய பொதுச் செயலாளர் அருண்சிங் முன்னிலையில் இதற்கான நிகழ்ச்சி நடைபெற்றது. அங்கு சாய்னா நேவாலுக்கு கட்சி கொடி மற்றும் உறுப்பினர் அட்டை வழங்கி பா.ஜ.க. மூத்த நிர்வாகிகள் வரவேற்றனர். இதனைத் தொடர்ந்து பா.ஜ.க. தேசியத் தலைவர் ஜே.பி.நட்டாவையும்  சாய்னா நேவால் சந்தித்து பேசினார். நாட்டிற்காக கடுமையாக உழைத்து வரும் பிரதமர் நரேந்திர மோடி தம்மை மிகவும் ஈர்த்ததாகவும், அவருடன் இணைந்து பணியாற்றுவதற்கு கிடைத்த வாய்ப்பை பெருமையாக கருதுவதாகவும் சாய்னா நேவால் தெரிவித்துள்ளார்.