ஐபிஎல் கிரிக்கெட் போட்டி : ராஜஸ்தானை வீழ்த்தியது பஞ்சாப்

ஐ.பி.எல் தொடர் லீக் ஆட்டத்தில் ராஜஸ்தான் அணியை 14 ரன்கள் வித்தியாசத்தில் பஞ்சாப் அணி வீழ்த்தியது. ஜெய்ப்பூரில் நடைபெற்ற இப்போட்டியில் டாஸ் வென்ற ராஜஸ்தான் அணி பந்துவீச்சை தேர்வு செய்தது. இதனையடுத்து களமிறங்கிய பஞ்சாப் அணியில் கிறிஸ் கெயில் 47 பந்துகளில் 79 ரன்கள் விளாசினார். இறுதியில் சர்பிராஸ் 46 ரன்கள் எடுக்க, 20 ஓவர் முடிவில் 4 விக்கெட் இழப்பிற்கு 184 ரன்கள் எடுத்தது. 185 ரன்கள் என்ற இலக்குடன் களமிறங்கிய ராஜஸ்தான் அணியில் பட்லர் 69 ரன்களில் அஸ்வினால் அவுட்டாக்கப்பட்டார். இறுதியில், ராஜஸ்தான் அணி 9 விக்கெட் இழப்பிற்கு 170 ரன்கள் மட்டுமே எடுத்து தோல்வியை தழுவியது.