இன்று கமலாலயத்தில் என்ன நடக்க போகிறது? - எகிறும் பல்ஸ்..!

பிற்பகல் 3 மணி அளவில் நடைபெறும் இந்த கூட்டத்தில், பாஜக தேசிய அமைப்பு பொதுச் செயலாளர் பி.எல்.சந்தோஷ், மாநில தலைவர் அண்ணாமலை, எம்எல்ஏக்கள் மற்றும் முக்கிய நிர்வாகிகள் பங்கேற்க உள்ளனர். அப்போது, கூட்டணியில் இருந்து அதிமுக விலகியது, நாடாளுமன்றத் தேர்தலை தனியாக எதிர்கொள்வது, தேர்தல் வேலைகளை துரிதப்படுத்துவது, பூத் கமிட்டி நடவடிக்கைகள் குறித்து விவாதிக்கப்பட உள்ளது. அதே நேரத்தில் தமிழக அரசியல் சூழல் குறித்தும் இக்கூட்டத்தில் விரிவாக ஆலோசனை மேற்கொள்ளப்பட இருக்கிறது. இதற்கு முன்பாக, காலை 10 மணியிலிருந்து பாஜகவின் பல்வேறு அணிகளின் கூட்டம் நடைபெற உள்ளது.