பிரச்சாரத்தில் இளம்பெண் வைத்த கோரிக்கை - இன்ப அதிர்ச்சி கொடுத்த சரத்குமார்

விருதுநகரில் தேர்தல் பிரச்சாரத்தின்போது, தனது திருமணத்துக்கு வருமாறு இளம்பெண் ஒருவர் அழைப்பு விடுத்த நிலையில், நடிகர் சரத்குமார் திருமணத்துக்குச் சென்று இன்ப அதிர்ச்சி கொடுத்துள்ளார். விருதுநகர் மக்களவைத் தொகுதியில் பாஜக வேட்பாளர் ராதிகா சரத்குமாரை ஆதரித்து, சரத்குமார் சூறாவளி பிரச்சாரம் மேற்கொண்டார். அப்போது, அந்த பகுதியில் கடை ஒன்றில் வேலை பார்த்து வரும் நந்தீஸ்வரி என்பவர் தனது திருமணத்துக்கு வருமாறு, ராதிகா மற்றும் சரத்குமாரிடம் அழைப்பி விடுத்திருந்தார். அந்த பெண்ணுக்கும், சரவணகுமார் என்பவருக்கும் இன்று திருமணம் நடைபெற்ற நிலையில், சரத்குமார் நேரில் வந்து, மணமக்களை வாழ்த்தி, இன்ப அதிர்ச்சி கொடுத்துள்ளார்.