விருதுநகரில் விஜய பிரபாகரன் - தேமுதிக அதிரடி அறிவிப்பு

மதுரை மாவட்டம், திருமங்கலம் - உசிலம்பட்டி சாலையில் உள்ள தனியார் திருமண மண்டபத்தில் தேமுதிக நிர்வாகிகள் ஆலோசனை கூட்டம் நடைபெற்றது. இக்கூட்டத்தில் மாநில உயர்மட்ட குழு உறுப்பினர் பாலன் சிறப்பு விருந்தினராக கலந்து கொண்டார். முன்னதாக மறைந்த விஜயகாந்த் உருவப்படத்திற்கு மலர் மாலை அணிவித்து மரியாதை செலுத்தப்பட்டது. இதைத் தொடர்ந்து நடைபெற்ற கூட்டத்தில், நாடாளுமன்ற தேர்தலில் தேமுதிக போட்டியிடும் தொகுதிகளில் வெற்றி பெறுவதற்கு கட்சியினர் பணியாற்ற வேண்டுமெனத் தெரிவிக்கப்பட்டது. மேலும், விருதுநகர் நாடாளுமன்ற தொகுதியில் விஜயகாந்தின் மகன் விஜய பிரபாகரன் போட்டியிட வேண்டுமென ஒருமனதாக தீர்மானம் நிறைவேற்றப்பட்டது.