தலைமையின் அறிவிப்பால் மாறிய மனநிலை..போலீசையே கலாய்த்த தவெக நிர்வாகிகள்

நடிகர் விஜய் தொடங்கியுள்ள தமிழக வெற்றிக் கழகத்தை, இந்திய தேர்தல் ஆணையம் அரசியல் கட்சியாக அங்கீகரித்துள்ளது. இதனை முன்னிட்டு செங்கல்பட்டு மாவட்ட தமிழக வெற்றிக் கழகம் சார்பில், நூற்றுக்கும் மேற்பட்ட கட்சி நிர்வாகிகள் பட்டாசு வெடித்தும், மக்களுக்கு இனிப்பு வழங்கியும் கொண்டாட்டத்தில் ஈடுபட்டனர். முன்னதாக பேரணியாக கோஷங்கள் எழுப்பி செல்ல முயன்ற த.வெ.க நிர்வாகிகளை, போலீசார் தடுத்து நிறுத்திய நிலையில், சிறிதுநேரம் வாக்குவாதத்தில் ஈடுபட்டதால் பரபரப்பு நிலவியது.