``உயர் கல்வியில் சிறந்து விளங்கும் தமிழகம்... ஆனால்..'' ஆளுநர் ரவி அப்செட் | TN Governor

உயர் கல்வியில் தமிழகம் சிறந்து விளங்கினாலும் PHD படிப்பில் தரம் இல்லை என்று ஆளுநர் ஆர். என். ரவி தெரிவித்துள்ளார்.

சென்னை கிண்டி ஆளுநர் மாளிகையில் தேசிய நிறுவனங்களின் தரவரிசை கட்டமைப்பு சார்பில் தமிழ்நாட்டில் சிறந்த விளங்கிய கல்வி நிறுவனங்களுக்கு பாராட்டு விழா நடைபெற்றது. இதில் கலந்து கொண்டு பாராட்டு சான்றிதழ்கள் வழங்கி பேசிய ஆளுநர் ஆர்.என் ரவி , மெட்ராஸ் ஐஐடி தேசிய அளவிலும் அண்ணா பல்கலைக்கழகம் மாநில அளவிலும் முதல் இடத்தை பிடித்து நமக்கு பெருமையை தேடி தந்துள்ளதாக தெரிவித்தார்.

நமது பல்கலைக்கழகங்களில் வழங்கப்படும் கல்வியானது தரத்துடன் சிறப்பானதாக இருக்க வேண்டும் என்றும் நெட் , ஜே.ஆர்.எப் தேர்வுக்கு தயாராகும் மாணவர்களுக்கு பயிற்சிகளை வழங்க வேண்டும் என்று ஆளுநர் தெரிவித்தார். உயர் கல்வியில் தமிழகம் சிறந்து விளங்கினாலும் PHD படிப்பில் தரம் இல்லை என்றும், PHD படிப்பின் தரத்தை உறுதி செய்ய வேண்டும் என்றும் ஆளுநர் ஆர். என். ரவி கூறினார்.