உச்சம் தொட்ட மதுபோதை..! அதிமுக கூட்டத்திற்குள் வண்டியை விட்ட இளைஞர்கள்..காவல்துறை முன்னே நடந்த ரகளை

தேனியில், அதிமுக பிரசாரக் கூட்டத்திடலுக்கு, மதுபோதையில் வந்த 3 இளைஞர்கள் அட்ராசிட்டி செய்த சம்பவத்தால் பரபரப்பு ஏற்பட்டது. பெரியகுளம் அருகே உள்ள வடுகப்பட்டி பகுதியில், தேனி மக்களவைத் தொகுதியின் அதிமுக வேட்பாளர் நாராயணசாமி பிரசாரம் மேற்கொள்ள இருந்த நேரத்தில் அவரை வரவேற்பதற்காக கட்சித் தொண்டர்களும், பெண்களும் அங்கு கூடியிருந்தனர். அப்போது, இருசக்கர வாகனத்தில் மதுபோதையில் வந்த 3 இளைஞர்கள், சாலையை மறித்து அதிமுக நிர்வாகிகளிடம் ரகளையில் ஈடுபட்டனர். எனினும், அதிமுக கட்சியினர் அந்த இளைஞர்களை சமாதானப்படுத்தி அனுப்பி வைத்தனர்.