"பா.இராமச்சந்திர ஆதித்தனார் பிறந்தநாள்" - மலர் தூவி அரசியல் பிரமுகர்கள் மரியாதை

மாலை முரசு' அதிபர் பா.இராமச்சந்திர ஆதித்தனாரின் 90 வது பிறந்தநாளை யொட்டி சென்னை ஆயிரம் விளக்கு பகுதியில் உள்ள 'மாலை முரசு' அலுவலகத்தில் அவருடைய உருவ படம் மலர்களால் அலங்கரித்து வைக்கப்பட்டிருந்தது.

பா.இராமச்சந்திர ஆதித்தனாரின் உருவப்படத்துக்கு, அவருடைய மகனும், 'மாலை முரசு' நிர்வாக இயக்குனருமான இரா.கண்ணன் ஆதித்தன் மலர் தூவி மரியாதை செலுத்தினார். இதனை தொடர்ந்து அதிமுக முன்னாள் அமைச்சர் ஜெயக்குமார், நாம் தமிழர் கட்சி ஒருங்கிணைப்பாளர் சீமான், த.மா.கா தலைவர் ஜி.கே வாசன். விசிக தலைவர் திருமாவளவன், காங்கிரஸ் மாநில தலைவர் செல்வபெருந்தகை உள்ளிட்டோரும் மலர் தூவி மரியாதை செலுத்தி வருகின்றனர்.