``தேர்தலுக்கு ஓடோடி வரும் பிரதமர்... ஒரு பைசா கூட தரவில்லை'' சித்தராமையா காட்டம்

தேர்தலுக்காக ஓடோடி வரும் பிரதமர் மோடி, வறட்சியால் மக்கள் தவித்த போது ஏன் வரவில்லை? என்று கர்நாடக முதலமைச்சர் சித்தராமையா கேள்வி எழுப்பியுள்ளார். பெங்களூருவில், தண்ணீர் பிரச்சனை தொடர்பாக அதிகாரிகளுடன் ஆலோசனை கூட்டம் ஏற்பாடு செய்யப்பட்டிருந்த நிலையில், தேர்தல் கட்டுப்பாடுகளால் கூட்டம் ரத்து செய்யப்பட்டது. இதைத்தொடர்ந்து அரசு மேற்கொண்டுள்ள நடவடிக்கைகள் குறித்து முதல்வர் சித்தராமையா செய்தியாளர்களிடம் விவரித்தார். தேர்தல் என்றதும் பிரதமர் மோடி ஓடோடி வருவதாகவும், வறட்சியால் மக்கள் பாதிக்கப்பட்ட போது ஏன் வரவில்லை என்றும் கேள்வி எழுப்பினார். வறட்சி நிவாரணம் கோரி 5 மாதங்கள் ஆகிவிட்ட நிலையில், பிரதமர் மோடி ஒரு பைசா கூட வழங்கவில்லை என்று குற்றம்சாட்டினார்.