70வது பிறந்தநாளை கொண்டாடிய சசிகலா | sasikala

தென்காசி மாவட்டம் அரியநாயகிபுரத்தில் வி.கே.சசிகலா தனது 70வது பிறந்தநாளை கொண்டாடி மகிழ்ந்தார். திருநெல்வேலி மாவட்டம் அம்பாசமுத்திரம் சட்டமன்ற தொகுதி மற்றும் தென்காசி மாவட்டம் ஆலங்குளம் சட்டமன்ற தொகுதியில் வி.கே.சசிகலா அம்மா வழியில் மக்கள் பயணம் மேற்கொண்டு வந்தார். இறுதியாக ஆலங்குளம் சட்டமன்ற தொகுதிக்குட்பட்ட அரியநாயகிபுரத்தில் தனது 4ம் நாள் பயணத்தை நிறைவு செய்தார். அப்போது வி.கே.சசிகலாவுக்கு அரியநாயகிபுரம் கிராம மக்கள், தொண்டர்கள் இணைந்து ஒலிபெருக்கி மூலம் பிறந்தநாள் வாழ்த்து தெரிவித்தனர். இதனை ஏற்றுக்கொண்ட வி.கே.சசிகலா, கிராம மக்களுக்கு நன்றி தெரிவித்ததோடு, குழந்தைகளுக்கு சாக்லேட் வழங்கி மகிழ்ச்சி தெரிவித்தார்.