"நரேந்திர தாமோதர தாஸ் மோடி ஆகிய நான்.."தமிழகம் முழுவதும் வெடித்த பட்டாசு

மூன்றாவது முறை பிரதமராக மோடி பதவியேற்ற நிலையில், தமிழகத்தின் பல்வேறு பகுதிகளில் பாஜக தொண்டர்கள் கொண்டாட்டத்தில் ஈடுபட்டனர்...அதன்படி, கன்னியாகுமரி மாவட்டம் நாகர்கோவில் பகுதியில் பாஜக தொண்டர்கள், பொதுமக்களுக்கு இனிப்புகள் வழங்கினர். இதில் அப்பகுதி பாஜக நிர்வாகிகள் கலந்து கொண்டனர்.

இதேபோல், தென்காசி மாவட்டம் கடையநல்லூர் பகுதியிலும் பாஜக தொண்டர்கள் பட்டாசு வெடித்து மகிழ்ந்தனர். இந்நிகழ்வில் மாவட்ட நகர தலைவர் உள்ளிட்டோர் உடனிருந்தனர்.மேலும், கும்பகோணம் பகுதியிலும் பொதுமக்களுக்கு இனிப்பு வழங்கி தங்கள் மகிழ்ச்சியை தொண்டர்கள் வெளிப்படுத்தினர்.இதன் தொடர்ச்சியாக, பழனி பேருந்து நிலையம் அருகே பாஜகவினர் மேள தாளங்கள் முழங்க உற்சாக கொண்டாட்டத்தில் ஈடுபட்டனர்.