வீட்டிற்கு வந்த புது விருந்தினர்... சந்தோஷத்தில் பூரித்த பிரதமர் மோடி

தன் வீட்டில் வளர்த்த பசு ஈன்ற கன்று குட்டியை பிரதமர் மோடி கொஞ்சி மகிழ்ந்த காட்சி கவனம் பெற்றுள்ளது. பிரதமர் மோடி வசிக்கும் அதிகாரப்பூர்வ இல்லமான லோக் கல்யாண் மார்கில் பிரதமர் மோடி பசு ஒன்றை வளர்த்து வருகிறார். அந்த பசு மாடு புதிய கன்று குட்டி ஒன்றை ஈன்றுள்ளது. அந்த கன்று குட்டியை கொஞ்சி மகிழ்ந்த பிரதமர் மோடி தனது இல்லத்தில் கன்றுக் குட்டியை வைத்து பூஜை செய்து வழிபட்டார். கன்றுக்குட்டியின் நெற்றியில் தீபம் போன்ற வடிவம் இடம் பெற்றுள்ளதால் கன்று குட்டிக்கு "தீபஜோதி" என பெயரிட்டு பிரதமர் மோதி மகிழ்ந்தார்.