கூட்டணி மாறும் பாமக?.. விஜய்க்கு மறைமுக சிக்னல்? - ராமதாஸ் போட்ட போஸ்ட்டின் பரபர பின்னணி

பா.ம.க நிறுவனர் ராமதாஸ் சமூக வலை தள பக்கத்தில் வெளியிட்ட பதிவு குறித்து பல்வேறு தரப்பினரும் கேள்வி எழுப்புகின்றனர்

பா.ம.க நிறுவனர் ராமதாஸ் தனது சமூக வலை தள பக்கத்தில்,

பழையன கழிதலும், புதியன புகுதலும் வழுவல கால வகையினானே... என்ற நன்னூல் பாடலை வெளியிட்டுள்ளார். எதற்காக திடீரென்று இந்த பாடல் வரிகளை ராமதாஸ் பதிவு செய்தார் என்பது குறித்து எந்த தகவலும் வெளியாகவில்லை.

பழையன கழிவதை தடுக்க முடியாது... புதியன வருவதையும் நிறுத்த முடியாது...

இரண்டையும் ஏற்றுக்கொள்ளத்தான் வேண்டும் என்பது இதன் பொருளாகும்.

புதிதாக அரசியல் கட்சியை தொடங்கியுள்ள நடிகர் விஜய்யை வரவேற்று இந்த பதிவை செய்தாரா? என்ற கேள்வி எழுந்துள்ளது.

இதனிடையே, ராமதாசுக்கு எப்போது, என்ன தோன்றுகிறதோ, அதை உடனடியாக பதிவிடுவார், அதேபோல் தான் இந்த கருத்தையும் அவர் பதிவு செய்துள்ளதாகவும், வேறு எந்த உள்நோக்கமும் அதில் இல்லை என்றும், அவரது கட்சி வட்டாரத்தில் தெரிவிக்கப்பட்டதாக தகவல் வெளியாகியுள்ளது.