தேவர் ஜெயந்தி... மரியாதை செலுத்த வந்த தவெகவினருக்கு ஷாக்..! மொத்தமாக லாக் செய்த் போலீசார்...

மதுரையில் தேவர் ஜெயந்தியை ஒட்டி மரியாதை செலுத்த வந்த தமிழக வெற்றிக் கழகத்தினரின் இருசக்கர வாகனங்கள் போலீசாரால் பறிமுதல் செய்யப்பட்ட சம்பவம் பரபரப்பை ஏற்படுத்தியது... 20க்கும் மேற்பட்டோர் பைக்குகளில் தெப்பக்குளம் மருது சகோதரர்களின் சிலைக்கு மரியாதை செய்ய வந்துள்ளனர். இரு சக்கர வாகனத்தில் ஊர்வலமாக வர அனுமதி இல்லை என காவல்துறை சார்பில் தெரிவித்த நிலையில் வாகனங்களை சிலைக்கு அருகில் நிறுத்திவிட்டு கோரிப்பாளையம் தேவர் சிலைக்கு மரியாதை செய்ய கார் மூலம் சென்றனர்... அந்த சமயத்தில் அங்கு நிறுத்தப்பட்ட பைக்குகளுக்கு போலீசார் அபராதம் விதித்ததால் இருதரப்புக்கும் இடையே வாக்குவாதம் எழுந்தது... அபராதத்தை நீதிமன்றத்தில் கட்டிவிட்டு வாகனங்களை எடுக்க தெப்பக்குளம் சரக உதவி ஆணையர் உத்தரவிட்டதால் பரபரப்பு ஏற்பட்டது.