"கோயில் கட்டிய மண்ணிலேயே வீழ்ச்சி... சர்வாதிகாரத்திற்குக் கடிவாளம்" - முதல்வர் ஸ்டாலின்

நாடாளுமன்ற தேர்தலில் இந்தியா கூட்டணி 230க்கும் அதிகமான இடங்களை கைப்பற்றிய நிலையில், அடுத்தகட்ட நகர்வு குறித்து முக்கிய ஆலோசனை நடத்துவதற்காக முதலமைச்சர் ஸ்டாலின் நேற்று காலை டெல்லி சென்றார். அங்கு காங்கிரஸ் தேசியத் தலைவர் மல்லிகார்ஜூன கார்கே இல்லத்தில் நடைபெற்ற இந்தியா கூட்டணி கூட்டத்தில் பங்கேற்று முக்கிய ஆலோசனை நடத்தினர். இதனை முடித்துவிட்டு டெல்லி விமான நிலையத்தில் சந்திரபாபு நாயுடுவை சந்தித்து ஆலோசனை நடத்திய முதலமைச்சர் ஸ்டாலின், விமானம் மூலம் நள்ளிரவு 2 மணிக்கு தமிழகம் வந்தடைந்தார். சென்னை விமான நிலையம் வந்த முதலமைச்சர் ஸ்டாலினை அமைச்சர்கள் சேகர்பாபு, தா.மோ.அன்பரசன் உள்ளிட்டோர் வரவேற்றனர்.