அதிமுக கவுன்சிலர்களுக்கு தடை விதித்த மேயர் - கோவை கூட்டத்தில் பரபரப்பு

கோவை மாமன்ற கூட்டத்தில் மேயர் கல்பனாவை கண்டித்து, 3 அதிமுக கவுன்சிலர்கள் போராட்டத்தில் ஈடுபட்டனர். அக்டோபர் 1ம் தேதிக்கு மேல் தாம‌தமாக வரி செலுத்துவோருக்கு ஒரு சதவிகிதம் அபராதம் விதிக்கப்படுவதைக் கண்டித்து, பதாகைகளுடன் முழக்கங்களை எழுப்பினர். இதையடுத்து, 3 அதிமுக கவுன்சிலர்களையும் வெளியேற்ற உத்தரவிட்ட மேயர், கவுன்சிலர் பிரபாகரனை, 2 கூட்டத்தில் பங்கேற்க தடை விதித்தார். வெளியேற்றப்பட்ட அதிமுக கவுன்சிலர்கள், மாம‌ன்ற வளாகத்திற்கு வெளியே தரையில் அமர்ந்து தர்ணாவில் ஈடுபட்டனர். இதுவரை 300 கோடி ரூபாய் வரி வசூலித்துள்ள நிலையில், 100 வார்டுகளிலும் எந்த புதிய திட்டங்களையும் நிறைவேற்றவில்லை என குற்றம் சாட்டினர்.