"முதல்வர் மனதில் கோவைக்கு சிறப்பு இடம் உள்ளது" - அமைச்சர் டி.ஆர்.பி. ராஜா

கோவைக்கு பல்வேறு திட்டங்கள் அறிவிக்கப்படவுள்ளதாக அமைச்சர் டி.ஆர்.பி. ராஜா தெரிவித்துள்ளார். கோவை கொடிசியா அரங்கில் தமிழ்நாடு ஸ்டார்ட் அப் திருவிழா நடைபெற்றது. இதில் கலந்து கொண்ட அமைச்சர் டி.ஆர்.பி. ராஜா பின்னர் செய்தியாளர்களை சந்தித்து பேசினார். அவர் பேசுகையில், முதலமைச்சர் மனதில் கோவைக்கு சிறப்பு இடம் உள்ளது எனத் தெரிவித்தார். மேலும், பல்வேறு ஐ.டி நிறுவனங்கள் கோவைக்கு வருவதற்கான பணிகள் நடைபெற்று வருவதாகவும் தெரிவித்தார். மேலும், விமான நிலைய விரிவாக்க பணிகள் நடைபெற்று வருவதாக கூறிய அவர், கோவையில் தொழில் நிறுவனங்கள் வருவதற்கு நில பிரச்சனை இருப்பதாகவும், அவை சரி செய்யப்பட்டு வருவதாகவும் தெரிவித்தார்.