ஜாமின் கிடைத்தும் ஜாபர் சாதிக்கிற்கு காத்திருந்த அதிர்ச்சி | jaber sathik

ஜாமின் கிடைத்தும் ஜாபர் சாதிக்கிற்கு காத்திருந்த அதிர்ச்சி

போதைப்பொருள் கடத்தல் வழக்கில் ஜாபர் சாதிக்குக்கு ஜாமீன் வழங்கி டெல்லி போதைப்பொருள் தடுப்பு சிறப்பு நீதிமன்றம் உத்தரவிட்டுள்ளது.வெளிநாடுகளுக்கு போதைப்பொருள் கடத்திய வழக்கில் சென்னையை சேர்ந்த ஜாபர் சாதிக், அவருடைய நெருங்கிய கூட்டாளி சதானந்தம் ஆகியோரை மத்திய போதைப்பொருள் தடுப்பு பிரிவினர் கடந்த மார்ச் மாதம் கைது செய்தனர். இந்த வழக்கில், ஜாபர் சாதிக் உள்ளிட்ட 5 பேரின் நீதிமன்ற காவல் ஜூலை 26-ஆம் தேதி வரை நீட்டித்து டெல்லி போதை பொருள் தடுப்பு சிறப்பு நீதிமன்றம், கடந்த மே 29-ஆம் தேதி உத்தரவிட்டது. போதைப்பொருள் தடுப்பு பிரிவினர் தாக்கல் செய்துள்ள 5 ஆயிரம் பக்க குற்றப்பத்திரிக்கையை விசாரணைக்கு ஏற்பது தொடர்பாக அன்றைய தினம் முடிவெடுக்கப்படும் என எதிர்பார்க்கப்படுகிறது.

இதற்கிடையே, ஜாமின் கோரி ஜாபர் சாதிக் தாக்கல் செய்த மனுவை டெல்லி போதைப்பொருள் தடுப்பு சிறப்பு நீதிமன்ற நீதிபதி சுதீர் குமார் விசாரித்தார். ஜாபர் சாதிக் தரப்பு முன்வைத்த வாதங்களை பதிவு செய்து கொண்ட நீதிபதி, அவருக்கு நிபந்தனை ஜாமின் வழங்கி உத்தரவிட்டுள்ளார்.

இருப்பினும், இதே விவகாரம் தொடர்பான அமலாக்கத் துறை வழக்கில் அவர் நீதிமன்ற காவலில் உள்ளார்.