ராகுலோடு ஒரே மேடையில் முதல்வர் ஸ்டாலின் - நாளை நடக்கும் பிரமாண்ட கூட்டம்

ராகுல் காந்தியின் ஒற்றுமை நீதி யாத்திரையின் நிறைவு விழாவில், தி.மு.க. தலைவர் மு.க.ஸ்டாலின் பங்கேற்க இருக்கிறார்.

காங்கிரஸ் மூத்த தலைவர் ராகுல் காந்தி, பாரத ஒற்றுமை நீதி யாத்திரையை மணிப்பூரில் தொடங்கி மேற்கொண்டு வருகிறார். இந்த யாத்திரையில் இந்தியா கூட்டணி தலைவர்கள் பங்கேற்று வரும் சூழலில், மும்பையில் நாளை நடைபெறவுள்ள நிறைவு விழாவில் தி.மு.க. தலைவர் ஸ்டாலின் உள்ளிட்ட இந்தியா கூட்டணி தலைவர்கள் பங்கேற்கவுள்ளனர். இதற்காக முதல்வர் ஸ்டாலின் நாளை காலை விமானம் மூலம் மும்பை செல்கிறார். தொடர்ந்து மும்பை சிவாஜி பூங்காவில் மாலை 7 மணியளவில் நடைபெறும் நிறைவு விழாவில் பங்கேற்க இருக்கிறார்.