அழைப்பு விடுத்த ஈபிஎஸ்... வெளியான அறிவிப்பு | EPS | AIADMK

மின் கட்டணம் உயர்த்தப்பட்டதை கண்டித்தும், நியாயவிலை கடைகளில் பருப்பு, பாமாயில் வழங்கப்படாததை கண்டித்தும் தமிழகம் முழுவதும் இன்று அதிமுக ஆர்ப்பாட்டம் நடத்துகிறது. தமிழகத்தில் மின் கட்டணம் உயர்த்தப்பட்டு, ஜூலை 1-ம் தேதி முதல் முன்தேதியிட்டு கட்டண உயர்வு அமலுக்கு வந்துள்ளதாக அறிவிக்கப்பட்டுள்ளது. இதற்கு பல்வேறு தரப்பிலும் அதிருப்தி தெரிவிக்கப்பட்டு வரும் நிலையில், மின் கட்டண உயர்வை கண்டித்தும், நியாய விலை கடைகளில் பருப்பு மற்றும் பாமாயில் முறையாக வழங்கப்படாததை கண்டித்தும் தமிழ்நாடு முழுவதும் அதிமுக இன்று போராட்டத்துக்கு அழைப்பு விடுத்துள்ளது. அதிமுக அமைப்பு ரீதியாக உள்ள 82 மாவட்டங்களிலும் இன்று கண்டன ஆர்ப்பாட்டம் நடத்தப்படும் என அதிமுக பொதுச் செயலாளர் எடப்பாடி பழனிச்சாமி அறிவித்துள்ளார். சேலத்தில் எடப்பாடி பழனிச்சாமி இருப்பதால் அங்கு நடைபெறும் ஆர்ப்பாட்டத்தில் அவர் கலந்து கொள்வார் என தெரிவிக்கப்பட்டுள்ளது.