திமுக பிரமுகர் வீட்டில் ரவுடி கும்பலின் கைவரிசை - திக் திக் நொடிகள்

திருவள்ளூர் மாவட்டம் சோழவரம் அருகே, திமுக நிர்வாகி வீட்டில் நாட்டு வெடி குண்டு வீசப்பட்ட சம்பவத்தில் பிரபல ரவுடி டியோ கார்த்திக் உட்பட நால்வரை ஆந்திராவில் வைத்து போலீசார் கைது செய்திருக்கின்றனர்.

திருவள்ளூர் மாவட்டம் சோழவரத்தை சேர்ந்தவர் ஜெகன். இவர் தெற்கு ஒன்றிய திமுக இளைஞரணியின் துணை அமைப்பாளராகவும், இவரின் மனைவி ஊராட்சி மன்ற துணை தலைவராகவும் பொறுப்பு வகித்து வருகின்றனர். இந்நிலையில், மாஸ்க் அணிந்தபடி வந்த 5 பேர் கொண்ட கும்பல், ஜெகனின் வீடு மீது நாட்டு வெடி குண்டு வீசிய சம்பவம் அதிர்ச்சியை ஏற்படுத்தி இருக்கிறது. தொடர்ந்து, சிறுனியம் பகுதியில் வசித்து வரும் சகோதரர்களான சரண்ராஜ் மற்றும் சுந்தர் ஆகியோரின் வீட்டிற்குள் புகுந்து வீட்டை சூறையாடியும் சென்றிருக்கின்றனர். மேலும், சென்னை-கொல்கொத்தா தேசிய நெடுஞ்சாலையில் உள்ள லாரிகள் நிறுத்தும் இடத்தில் வெடிகுண்டு வீசிய கும்பல், தட்டிக்கேட்ட லாரி ஓட்டுநரை அரிவாளால் வெட்டி விட்டு தப்பிச் சென்றதும் அதிர்ச்சியை ஏற்படுத்தி இருக்கிறது.