தேமுதிக கொடியேற்றிய பிரேமலதா... பாதியிலேயே அறுந்து விழுந்ததால் ஷாக்கான தொண்டர்கள்

தே.மு.தி.க. நிறுவனத் தலைவர் விஜயகாந்த் மறைவையொட்டி அரைக்கம்பத்தில் பறக்கவிடப்பட்ட கட்சி கொடி, இன்று மீண்டும் முழு கம்பத்தில் பறக்கவிடப்பட்டது. ஒன்றியம் முதல் கிராமங்கள் வரை உள்ள தே.மு.தி.க. கட்சி கொடி முழு கம்பத்தில் பறக்கவிட வேண்டும் என அக்கட்சியின் பொதுச்செயலாளர் பிரேமலதா விஜயகாந்த் அறிவுறுத்தி இருந்தார். அந்த வகையில் சென்னை கோயம்பேட்டில் உள்ள தே.மு.தி.க. தலைமை அலுவலகத்தில் கட்சி கொடியை பொதுச்செயலாளர் பிரேமலதா விஜயகாந்த் முழு கம்பத்தில் ஏற்றினார். முன்னதாக கொடி ஏற்றும்போது பாதியிலேயே அறுந்து விழுந்ததால் பரபரப்பானது.