ராகுலுக்கு எதிராக வலுவான வேட்பாளரை இறக்கிய கம்யூனிஸ்ட்.. இந்தியா கூட்டணியில் சலசலப்பு

#indiaalliance #rahulgandhi #cpi

கேரளாவில் பாராளுமன்ற தேர்தலுக்கான வேட்புமனு தாக்கல் இன்றுடன் நிறைவு பெறுகிறது. நாடு முழுவதும் 7 கட்டங்களாக தேர்தல் நடத்தப்படும் நிலையில், இரண்டாவது கட்டமாக ஏப்ரல் 26-ந்தேதி , கேரள மாநிலத்தில் உள்ள 20 மக்களவை தொகுதி களுக்கும் ஒரே நாளில் வாக்குப்பதிவு நடக்கிறது. கேரளாவில் கடந்த 28 -ந்தேதி வேட்பு மனு தாக்கல் தொடங்கிய நிலையில் இன்றுடன் வேட்புமனு தாக்கல் செய்ய கடைசி நாளாகும். இதுவரை மாநிலத்தில் மொத்தம் 143 பேர் வேட்புமனு தாக்கல் செய்துள்ள நிலையில், இன்று மேலும் பலர் வேட்புமனு தாக்கல் செய்வார்கள் என எதிர்பார்க்கப்படுகிறது. நேற்று வயநாடு தொகுதியில் காங்கிரஸ் சார்பில் ராகுல் காந்தி வேட்பு மனு தாக்கல் செய்த நிலையில், அவரை எதிர்த்து இந்திய கம்யூ. பொதுச்செயலாளர் டி.ராஜாவின் மனைவி ஆனி ராஜா வேட்புமனு தாக்கல் செய்துள்ளது குறிப்பிடத்தக்கது.