``ஓடோடி வருவேன்'' - கோவை DMK வேட்பாளர் கணபதி ராஜ்குமார் கொடுத்த முக்கிய வாக்குறுதி

கோவை நாடாளுமன்ற தொகுதி திமுக வேட்பாளர் கணபதி ராஜ்குமார், ரத்தினபுரி, கண்ணப்பநகர், சங்கனூர் உள்ளிட்ட பகுதிகளில் வாக்கு சேகரிப்பில் ஈடுபட்டார். வீதி வீதியாக சென்று வாக்கு சேகரித்த கணபதி ராஜ்குமாருக்கு, பெண்கள் நீண்ட வரிசையில் நின்று வரவேற்பு அளித்தனர். தொடர்ந்து பேசிய வேட்பாளர் கணபதி ராஜ்குமார், தான் உள்ளூரை சேர்ந்தவன் என்றும், கோவை மாநகராட்சி மேயராகவும் இருந்துள்ளதாகவும் தெரிவித்தார். மேலும் இங்குள்ள மக்களின் தேவைகளை முழுமையாக அறிந்து வைத்திருப்பதாகவும், அழைத்தவுடன் ஓடோடி வருவேன் என்றும் உறுதி அளித்தார்