சந்திரபாபு நாயுடு கைது..! வெறிச்சோடிய கடை முதல் பஜார் வரை.. ஆந்திராவில் பதற்றம்... மக்கள் அவதி...

ஊழல் வழக்கில் தெலுங்குதேசம் கட்சித்தலைவர் சந்திரபாபு நாயுடு கைது செய்யப்பட்டதற்கு எதிர்ப்பு தெரிவித்து போராட்டங்கள் நடைபெறுகின்றன. இதன் காரணமாக, 2வது நாளாக இன்றும் இயல்பு வாழ்க்கை பாதிக்கப்பட்டுள்ளது. ஆந்திரா-தமிழகம் இடையிலான பேருந்து போக்குவரத்து தடைபட்டுள்ளது. குப்பம் பகுதியில் இருந்து திருப்பத்தூர், வாணியம்பாடி, கிருஷ்ணகிரி உள்ளிட்ட பகுதிகளுக்கு இயக்கப்படும் அரசு மற்றும் தனியார் பேருந்துகள் நிறுத்தப்பட்டுள்ளன. கடைகள் அடைக்கப்பட்டுள்ளதால், பஜார் பகுதிகள் வெறிச்சோடி காணப்படுகின்றன. ஆர்.டி.சி பேருந்து நிலையம் அருகே தெலுங்குதேசம் கட்சி சார்பில் உண்ணாவிரதப் போராட்டம் அறிவிக்கப்பட்ட நிலையில், போலீசார் அனுமதி மறுத்து, பந்தல்களை அப்புறப்படுத்தினர். குப்பம் தொகுதியில் பதற்றம் காரணமாக போலீசார் மற்றும் அதிவிரைவு படையினர் குவிக்கப்பட்டு பாதுகாப்பு பணியில் ஈடுபட்டு வருகின்றனர்.