பாஜகவுக்கு கிடைத்த புது பவர்

மாநிலங்களவையில் ஆளும் கட்சியான பாஜக 2014க்கு பிறகு முதன்முறையாக பெரும்பான்மையை எட்டி உள்ளது.

நாடு முழுவதும் 9 மாநிலங்களில் உள்ள 12 மாநிலங்களவை உறுப்பினர் பதவிக்கு தேர்தல் அறிவிக்கப்பட்டுள்ள நிலையில், 12 மாநிலங்களவை எம்பிகள், நேற்று போட்டியின்றி தேர்வு செய்யப்பட்டனர். இதில் பாஜகவுக்கு 9 உறுப்பினர்களும் அதன் கூட்டணி கட்சிகளுக்கு இரண்டு உறுப்பினர்களும் என, ஒட்டுமொத்தமாக 11 மாநிலங்களவை உறுப்பினர்கள் தேசிய ஜனநாயக கூட்டணிக்கு கூடுதலாக கிடைத்துள்ளது.

இதன் மூலம் மாநிலங்களவையில் பாஜகவின் பலம் 96 ஆக அதிகரித்துள்ளது. மாநிலங்களவையில் தற்போது பலம் 237 ஆக உள்ளது. பாஜகவுக்கு 96 உறுப்பினர்கள் 06 நியமன உறுப்பினர்கள் இரண்டு சுயேட்சை எம்பிக்கள் மற்றும் அதன் கூட்டணி கட்சிகள் அனைத்தையும் சேர்த்து தேசிய ஜனநாயக கூட்டணியின் தற்போதைய பலம் 121 ஆக அதிகரித்துள்ளது.