அண்ணாமலை பிரசாரத்தில் அதிர்ச்சி.. தாக்குதலில் ஈடுபட்ட பாஜகவினர்.. ஊர் உறங்கிய நேரம் கோவையில் பதற்றம்

கோவை ஆவாரம்பாளையம் பகுதியில் திமுக கூட்டணியினருக்கும் , பாஜகவினருக்கும் இடையே மோதல் ஏற்பட்டதால் பரபரப்பு ஏற்பட்டது.

கோவை ஆவாரம்பாளையம் பகுதியில், பாஜக வேட்பாளர் அண்ணாமலை இரவு 10 மணியைத் தாண்டி பிரச்சாரம் மேற்கொண்டு வந்ததாக கூறப்படுகிறது. இதுகுறித்து ஆவாரம்பாளையம் பகுதியைச் சேர்ந்த திமுக கூட்டணி நிர்வாகிகள், இதுதொடர்பாக அங்கிருந்த காவல்துறையினரிடம் கேள்வி எழுப்பினர். அதற்கு அங்கிருந்த பாஜகவினர் திமுக கூட்டணிக் கட்சியினர் மீது தாக்குதல் நடத்தினர். இதனால் அங்கு பரபரப்பான சூழல் ஏற்பட்டதால், அங்கு கூடியிருந்தவர்களை போலீசார் கலைந்து போக செய்தனர். இதற்கிடையே, தங்களைத் தாக்கிய பாஜகவினரை கைது செய்ய வலியுறுத்தி திமுக, மார்க்சிஸ்ட் கம்யூனிஸ்ட் கட்சியினர் போராட்டத்தில் ஈடுபட்டனர். அவர்களுடன் காவல்துறையினர் பேச்சுவார்த்தை நடத்தி, காயமடைந்தவர்களை அரசு மருத்துவமனைக்கு அனுப்பி வைத்தனர். சம்பவம் தொடர்பாக, காவல்துறை உயர் அதிகாரிகள் விசாரணை நடத்தினர்.