தமிழகம் முழுவதும் பற்றி எரியும் அண்ணாமலையின் கொடும்பாவி | Annamalai | BJP | Thanthitv
பாஜக மாநில தலைவர் அண்ணாமலையை கண்டித்து தமிழகம் முழுவதும் அதிமுகவினர் ஆர்ப்பாட்டத்தில் ஈடுபட்டனர்.
பாஜக மாநில தலைவர் அண்ணாமலையை கண்டித்து புதுக்கோட்டையில் அதிமுகவினர் ஆர்ப்பாட்டத்தில் ஈடுபட்டனர். அதிமுக குறித்து விமர்சனம் செய்வதை அண்ணாமலை நிறுத்த வேண்டும் என அப்போது கோஷங்கள் எழுப்பப்பட்டது.
புதுக்கோட்டை மாவட்டம் விராலிமலை சோதனைச்சாவடி அருகே 100 க்கும் மேற்பட்ட அதிமுகவினர் போராட்டத்தில் ஈடுபட்டனர். தனது அவதூறு கருத்துக்களை தமிழக பாஜக தலைவர் அண்ணாமலை திரும்ப பெற வேண்டும் எனவும் அப்போது அவர்கள் வலியுறுத்தினர்.
திருவண்ணாமலை மாவட்டம் செய்யாறில் போராட்டத்தில் ஈடுபட்ட அதிமுகவினர் பாஜக மாநில தலைவர் அண்ணாமலைக்கு எதிராக கோஷங்கள் எழுப்பினர்.
அப்போது அண்ணாமலையின் உருவ பொம்மையை அவர்கள் எரித்ததால் பரபரப்பு ஏற்பட்டது.
சிவகங்கை மாவட்டம் இளையாங்குடி பேரூராட்சியில் அதிமுகவின் நிர்வாகிகள் ஆர்ப்பாட்டத்தில் ஈடுபட்டனர். அப்போது தமிழக பாஜக தலைவர் அண்ணாமலையின் உருவபொம்மை எரிக்கப்பட்டது.
