தி.மலையில் முதல்வர் ஸ்டாலினுக்கு மேளதாளங்கள் முழங்க உற்சாக வரவேற்பு

திருவண்ணாமலை அடுத்த மலப்பாம்பாடி பகுதியில், திமுக வடக்கு மண்டல வாக்குச்சாவடி பொறுப்பாளர்கள் பயிற்சி பாசறைக் கூட்டம் இன்று நடைபெறுகிறது. இதில், 13 மாவட்டங்களைச் சேர்ந்த பொறுப்பாளர்கள் கலந்து கொள்கின்றனர். மாலை நடைபெறும் இந்த நிகழ்ச்சியில், முதலமைச்சர் ஸ்டாலின் பங்கேற்று, சிறப்புரை ஆற்றுகிறார். இதற்காக, அவர் திருவண்ணாமலை சென்ற நிலையில் நாதஸ்வரம், மேளம், கரகாட்டம், தாரை தப்பட்டை முழங்க மாவட்ட நிர்வாகிகள் உற்சாக வரவேற்பு அளித்தனர். கீழ்பென்னாத்தூர் அடுத்த சோ.காட்டுக்குளம் கிராமத்தில் நடந்த இந்த வரவேற்பு நிகழ்ச்சியில், அமைச்சர் எ.வ.வேலு, சட்டபேரவை துணை சபாநாயகர் கு.பிச்சாண்டி உள்ளிட்டோர் கலந்து கொண்டனர்.