முதலமைச்சர் மு.க. ஸ்டாலினுக்கு குடியரசு துணை தலைவர் வெங்கையா நாயுடு பாராட்டு
தமிழகத்தை வளர்ச்சி பாதையில் கொண்டு செல்ல முதலமைச்சர் ஸ்டாலின் தீவிரமாக செயல்படுவதாக குடியரசு துணை தலைவர் வெங்கையா நாயுடு பாராட்டியுள்ளார்.
தமிழகத்தை வளர்ச்சி பாதையில் கொண்டு செல்ல முதலமைச்சர் ஸ்டாலின் தீவிரமாக செயல்படுவதாக குடியரசு துணை தலைவர் வெங்கையா நாயுடு பாராட்டியுள்ளார். தாம்பரத்தில், சிறந்த ஏற்றுமதியாளர்களுக்கான விருது வழங்கும் விழா நடைபெற்றது. இதில் கலந்து கொண்டு பேசிய குடியரசு துணை தலைவர் வெங்கய்யா நாயுடு, தொழில்துறை உற்பத்திக்கான கட்டமைப்பை தமிழகம் சிறந்த அளவில் பெற்றிருப்பதாக கூறினார். ஆட்டோமொபைல்கள் மற்றும் வாகன உதிரிபாகங்கள், தோல் பொருட்கள், மென்பொருள் மற்றும் ஆயத்த ஆடை ஏற்றுமதியில் நாட்டிற்கே முன்னோடியாக தமிழகம் இருப்பதாகவும், அதை மேலும் வளர்ச்சி பாதையில் கொண்டு செல்ல முதலமைச்சர் ஸ்டாலின் தீவிரமாக செயல்படுவதாகவும் அவர் பாராட்டு தெரிவித்தார். ஏற்றுமதி தொழில் நடவடிக்கை, முடிவு எடுப்பதில், செயல்படுத்துவதில் காலதாமதம் இருக்கக்கூடாது என குடியரசு துணை தலைவர் அறிவுறுத்தினார்.
Next Story
